Նորություն չէ, որ Հայաստանում նույնիսկ անվանի նկարիչներիաշխատանքները ինչ-ինչ պատճառներովանմխիթար պայմաններումեն գտնվում: Ցավոք, նմանճակատագրիեն արժանացել նաև ՀԽՍՀ ժողովրդական նկարիչ Էդուարդ Իսաբեկյանի կտավները, որոնքգտնվում են ՀայԱրտ կենտրոնիառաջին հարթակում` նկարչի անվանցուցասրահում: Ըստ նկարչի որդու`ՀՀ արվեստի վաստակավոր գործիչ, Գեղարվեստի պետական ակադեմիայի ռեկտոր Արամ Իսաբեկյանի` Էդուարդ Իսաբեկյանին նվիրված կենտրոն ստեղծելու միտքը համապատասխան կառույցները դեռ հոր կենդանության օրոք էին առաջարկել,սակայն նա չէր ցանկանում: Որդին այն ժամանակ չէր հասկանում այդ մոտեցումը, սակայն հետագայում պարզ դարձավ, որ իմաստուն հայրը տեսնում էր ապագա խնդիրները, որ հոգս են դառնալու որդու համար: Իդեպ, թանգարան ստեղծելու որոշումն ընդունվել էր դեռ2004-ին, իսկ հանդիսավոր բացումը տեղի ունեցավ միայն 2013-ին: Արամ Իսաբեկյանը հոր գործերից առանձնացրել էր 28 ստեղծագործություն, որոնք հետագայում տեղ գտան ՀայԱրտի «Էդուարդ Իսաբեկյան»ցուցասրահում: Ազգային պատկերասրահը ևս նրանց տրամադրեց 4 աշխատանք`ժամանակավոր ցուցադրության համար:
Բացումից հետո ցուցասրահը դարձավ արվեստի գեղեցիկ օրրան, ուր հավաքվում էին Էդուարդ Իսաբեկյանի ուսանողները, ընկերները, տեղի էին ունենում հանդիպումներ, ներկայացվում էին նաև Էդուարդ Իսաբեկյանի գրական գործերը:Սակայն ցուցասրահի բացման հաջորդիսկ տարվանից սկսվեցին խնդիրները: Ձմեռը եկավ և պարզվեց, որ տանիքը ոչ թեկոսմետիկ միջամտության, այլ հիմնավոր վերանորոգման կարիք ունի: «Նախ և առաջ պետք է որոշել, թե ինչպես կանխել այդ ջրերի ներթափանցումը»,- օրերս «Սպուտնիկ Արմենիա» լրատվական գործակալությունում տեղի ունեցած ասուլիսի ընթացքում ասաց Արամ Իսաբեկյանը` նշելով, որ իրենց ընտանիքը 30.000 դոլարի ներդրում է արել: Նաև անմխիթար վիճակից վնասված որոշ գործեր են վերականգնել: Ցուցասրահը այսօր էլ վթարային վիճակում է: Արամ Իսաբեկյանը մատնացույց է անում քաղաքապետարանի հետ պայմանագրում նշված վերջինիս պարտականությունները` նկարները պատշաճ ձևով պահպանելու և անվտանգությունն ապահովելու համար: Իհարկե, մի քանի անգամ դիմելեն քաղաքապետարան, սակայն 2016-ի դիմումին ի պատասխան կա ընդամենը քաղաքապետարանի գրությունն առ այն, որ եկել, արձանագրել են, որ տանիքը նորոգման, անձրևաջրերի հեռացման կարիք ունի, բայց համապատասխան միջոցների բացակայության պատճառով չեն կարող աշխատանքներ սկսել: Ցուցասրահը այսօր էլ անմխիթար վիճակում է, սակայն Արամ Իսաբեկյանը հույս ունի, որ նոր իշխանության օրոք հարցը կլուծվի. այս մասին նա խոսել է նորանշանակ քաղաքապետի հետ:
Լրագրողների հետ հանդիպման ընթացքում Գեղարվեստի ակադեմիայի ռեկտորը նաև դրական թեմաների անդրադարձավ, որոնք կապված են իր ղեկավարած բուհի կյանքին,մասնավորապես` տարվա սկզբում լուծված որոշ հարցերի հետ: Իրենք իննսուն տոկոսով ապահովում են այն պահանջները, որ անհրաժեշտ է ժամանակակից ուսանող դաստիարակելու համար. տնտեսական պայմանները, լաբորատորիաների վիճակը և կարևորը` դասախոսների բարձրորակը: «Եթե խոսենք աշխարհի ընթացքների հետ համահունչ լինելումասին, ապա ակադեմիան հետ չի մնում. դրա մասին են վկայում այլ երկրների, հատկապես` Եվրոպայի համապատասխան բուհերի հետ ձևավորված կապերը, ուսանողների փոխանակությունը, նրանց համատեղ ցուցահանդեսները, մասնակցությունը տարբեր մրցույթներին: Դա նաև նրանից է, որ մեր երիտասարդները շատ տաղանդավոր են», — փաստում է ռեկտորը: Նշելով նաև Դիլիջանի և Գյումրու մասնաճյուղերի վերելքը և Գեղարվեստի ակադեմիայի լավագույնս գործող կայքը` ռեկտորը, այնուամենայնիվ, կարևորում է արվեստի բուհերին անհրաժեշտ պետական աջակցությունը:
Միրզոյան Մ. — Թանգարան տանիքի՞, թե՞ բաց երկնքի տակ — թերթ, «TV մոլ», հ.50, 743, Ե., 17-23.12.2018
Posted on Դկտ 19, 2018 in Գրականություն