«Արարատյան դաշտ» պաննոն — թերթ, «Գրական թերթ», Ե., հ.23, 26.06.1954
Շուտով Մոսկվայում կբացվեն Համամիութենական գյուղատնտեսական ցուցահանդեսի դռները: Բոլոր եղբայրական ռեսպուբլիկաներն այնտեղ հրապարակ են գալու իրենց հաջողությունների ցուցադրումով:
Երևանում նկարիչների բրիգադան, որի կազմի մեջ են գտնվում Է.Իսաբեկյանը, Խ.Եսայանը, Ս.Մուրադյանը, ավարտել են Հայկական ՍՍՌ պավիլյոնի կենտրոնական պաննոյի վրա կատարվող աշխատանքը:
«Արարատյան դաշտը», — այդպես է կոչվում դեկորատիվ-ռեալիստական պլանով նկարված այդ պաննոն: Նրա խոշոր չափսերը (երկարությունը 9մ, լայնությունը` 4մ) նկարիչներին հնարավորություն են տվել լիակատար և արտահայտիչ կերպով տալու պտղատու դաշտի սքանչելի պեյզաժը:
Նկարիչների հրաշալի աշխատանքը անպայման կգրավի Համամիութենական գյուղատնտեսական ցուցահանդեսի այցելուներին: