Շատ շնորհակալ ենք, որ դուք պահպանում եք մեր արվեստի հոգին և ոգին: «Դավիթ Բեկը» շեդևր է պարզապես: Լիցքավորվել ենք բարիությամբ: Ձեզ մեծ հաջողություն: 23.01.2016
Շնորհակալություն ցուցահանդեսի կազմակերպիչներին` նման գեղեցիկ և ճանաչողական գործ ձեռնարկելու համար: Նաև ցուցասրահի աշխատակցուհուն, ով շատ բարեհամբույր և ժպտերես մեզ ուղղորդեց` Էդուարդ Իսաբեկյանի նկարներին ծանոթանալու: Արփի և Արշակ, 16.02.2016
Առավել մեծ տպավորություն թողեց Դավիթ-Բեկին նվիրված կտավը: Իրոք, բարձր արվեստի գործ է: 05.03.2016
Շնչող նկարներ… Գեղեցիկ և բազմագունեղ… Հետաքրքիր է զգալ աշխարհը իր գույներով և զգալ իր արվեստը մեր աչքերով… Ս.Մարիամ
Յուրահատուկ արվեստագետ, յուրահատուկ ներաշխարհով: Հիանալի գունային գամմա, համադրություն: Յուրաքանչյուր նկար յուրօրինակ է: Շնորհակալություն ընդունելության համար: Հետաքրքիր էր: Ս.Խաչատրյան,Դերձակ-մոդելավորում, 3-րդ կուրս, 10.03.2016
Շատ հաճելի ցուցադրություն է: Մեծ հաճույք ստացա: Շնորհակալություն: Անի 23.03.2016
Շա՜տ տպավորված եմ Էդուարդ Իսաբեկյանի արվեստով: Շնորհիվ այս ցուցասրահի` ես ծանոթացա տաղանդավոր նկարչի գեղեցիկ աշխատանքներին, որոնք ցայտուն կերպով արտահայտում են նկարչի ուրույն ոճն ու տաղանդը: Մեծ է այն գեղագիտական հաճույքը, որը փոխանցեց ինձ այս յուրօրինակ ցուցասրահը:
Նաև շատ շնորհակալ եմ Օֆելյային իր բարեհամբույր վերաբերմունքի համար:Լուսինե, 31.03.2016
Շատ հաճելի էր լինել Իսաբեկյանի ցուցասրահում և տեսնել նրա կտավները: Հատկապես տպավորիչ էին դիմանկարները, որտեղ նկարիչը ի ցույց է դրել մարդկային հույզերն ու ապրումները, ի ցույց է դրել մեծ վարպետությամբ ու տպավորիչ կերպով: Արման Գալոյան, րագրող, բան.գիտ.թեկնածու, 30.04.2016
Ուրախ էի տիկնոջս` Մելանյայի հետ լինել Իսաբեկյանի ցուցասրահում: Հաճելի էր տեսնել նկարները, հատկապես ծնողների նկարները: Ապրեցինք հոգեկան բավարարվածություն: Զաքար Բոյաջյան, 30.04.2016
Շնորհակալություն ջերմ ընդունելության համար: Շատ տպավորվեցինք: Ուսանողները լիքը դրական լիցքեր ստացան նոր արվեստի գործեր ստեղծելու համար: Մեծ շնորհակալություն Ղարաբաղի Արսեն Խաչատրյանի անվ. քոլեջի կողմից: Էլի կգանք: 21.05.2016
Ֆանտաստիկ ցուցահանդես և թանգարան: 21.05.2016
Շնորհակալ ենք: 21.05.2016
Հաճելի զգացողություններ, երբ մեր արագընթաց ու վայրիվերո կյանքում հանդիպում ես գեղեցիկ կտավների ու մտածում, որ շարունակական է ազգային արվեստն ու մտածողությունը: Քո արվեստն է այդ ամենի կրողը, նկարիչ Իսաբեկյան: Շնորհակալություն հայ մարդու կողմից: Հաճելի էր նաև հանդիպումը Օֆելյայի հետ` արվեստ սիրող ու արվեստ պահպանող հմայիչ աղջկա հետ: Շնորհակալություն նաև նրան, որ նվիրյալն է այս գործի:Տատիկ ու թոռնուհի Նարե, 03.06.2016
Շատ հպարտ եմ, որ ունենք նման հռչակավոր հայրենակից, որ լավագույնս արտացոլում է հայկական բնաշխարհի և պատմության առանձնահատկությունները այսչափ ինքնատիպ գույներով: Աննա Մելիքսեթյան, 04.06.2016
Մեծ արվեստի դպրոց, Իսաբեկյան ուսուցիչ: Մհեր, 22.06.2016
Հրաշք մաեստրո Իսաբեկյան: 01.07.2016
Շատ հաճելի է, Մաեստրո: 02.07.2016
Барев дзес!Шат хетакркир цуцахандесе. Чеи лсел арач Исабекяни масин. Лав имастов мнаци цнцватс. Кузеи тсанотанал наев ирен уриш ашхатанкнери хет. Гтнум ем ирен ворпес лавагуйн хайкакан нкарич. Кузеи дзес хет хамагорцел. Ете унек нкарнери ватчарман бажин патрастем тан хамар дзеркберел. «Видные деятели Игдыра» киноитс ужех нкар э. Мартканц шаржн у шунчн э талис, иск демкери артахайтутюннере арачацнумен нор авели мдкер хай жоховуртин тчананчелу ев Хайастан еркире хасканалу хамар. Геворк 07.07.2016 gev.sus@mail.ru
Առավել դուր եկավ «Հանրապետության ծնունդը» կտավը:
6տ. Ավետիսյան Մարգարիտա, 8տ. Ավետիսյան Արամե, 23.07.2016
Իմ սիրելի վարպետի` Էդուարդ Իսաբեկյանի, աշխատանքները ամբողջ կյանքում ինձ ոգևորում են: Ես շատ ուրախ եմ, որ նորից վայելում եմ ինքնատիպ, անզուգական, հրաշալի գունային, ռեալիստական մի ամբողջ աշխարհ իր կտավներում, որտեղ արտացոլված են նաև մեր հայոց պատմությունը, հայ ժողովրդի ապրած ժամանակները: Շատ շնորհակալություն իմ սիրելի Վարպետին: Սերժիկ Քեշիշյան, 02.08.2016
Այցելեցի այս հրաշալի թանգարանը օգոստոս 29-ին 2016 թվականի: Խոսքեր չեմ գտնում, որով կարողանամ արտահայտել հիացմունքս, սա մի մեծ հարստություն է` հայ ժողովրդին տրված նկարիչի ոդու կողմից: Ժամերը քիչ են, մարդ կարող է օրեր անցկացնել այս հրաշալի նկարչություններին նայելով ու դեռ չզգա, որ օրեր են անցել: Հուսով եմ Հայաստանի ժողովուրդը կհասկանան ու կգնահատեն, որ ինչ մեծ գանձ է նվիրված իրենց: Մենք` սփյուռքահայերս, բնականաբար ավելի լավ ենք հասկանում այս գանձերի արժեքը, որովհետև մենք շատ կարոտած ենք նայում էս ամենին: Շնորհակալ եմ նաև թանգարանում հանդիպած օրիորդին, ով որ շատ բարեհամբույր գտնվեց և մեզ տեղեկություններ տվեց թե թանգարանի, թե նկարչությունների, և թե մեծ արվեստագետի կյանքի մասին: Եղիսա Զարգարյան Թեհրանից, 29.08.2016
Այցելեցի այս հիասքանչ թանգարանը և իսկապես հավանեցի նկարչությունները և արվեստի ոճը ուղղակի հիանալի է: Զգացումով լի վայր, նույնիսկ ժամեր և օրեր կնայեի այս նկարչություններին: Շատ-շատ գնահատելի է: Շնորհակալություն սիրելի Օֆելյային:Արենա Զեյնալյան, 29.08.2016
Ձեր ամենափոքրիկ այցելուն… Շատ տպավորիչ էր: Ձիերի նկարի մոտ նա նկարվեց, քանի որ շատ էր հավանել: Գևորգ, 08.09.2016
Մեծ հաճույքով և գնահատանքով շրջեցի Է.Իսաբեկյանի ցուցասրահը: Շնորհակալություն, որ այսպիսի պատշաճ ներկայացնում եք մեծ վարպետին: Փառք ու պատիվ մեր հայ ժողովրդին, որ այսպիսի տաղանդավոր նկարիչներ է տվել աշխարհին:
Ես` ինքս, նկարչուհի լինելով` շատ մեծ եմ գնահատում մեր վարպետներին, իսկ Է.Իսաբեկյանը միշտ էլ եղել է մեծ նկարիչ` իր յուրահատուկ ոճով:Շնորհակալությամբ` Ժանեթ Խաչիկյան, Սան Ֆրանցիսկո, 21.09.2016
Հայերենս լավ չի, բայց կփորձեմ… Շատ տպավորիչ գործեր են… Ձեր audio-guide-ը շատ լավն է ու ժամանակակից: Շնորհակալություն, Հեղինե, Գերմանիայից, 27.09.2016
Մեծ հաճույքով և խանդավառությամբ շրջեցի և դիտեցի նկարները Է.Իսաբեկյանի: Խորին շնորհակալություն ձեզ: Արմենուհի Թովմասյան, 03.10.2016
Շատ բարձր եմ գնահատում Է.Իսաբեկյանի ստեղծագործությունը և անչափ սիրում եմ այն: Ցանկանում եմ հետագա ընդլայնում և բարգավաճում թանգարանին: Գագիկ Մոսիկյան, 05.10.2016
Ողջունում եմ XX դարի հայ գեղանկարչության ռահվիրա Էդուարդ Իսաբեկյանի մշտարթուն ներկայությունը ի շնորհիվ յուր նվիրյալների: Շնորհակալություն: Անիտա, 14.11.2016