2004 — 90-ամյակ, Նկարիչների միություն

Posted on Սպտ 27, 2017 in Կարծիքների գիրք

Սիրելի Էդվարդ Համայակի!
Ինչպես միշտ սիրում ու անկեղծորեն շնորհավորում եմ Ձեզ` իմ սիրելի ուսուցիչներից լավագույնին, ու ցանկանում Ձեզ քաջառողջություն ու երկար-երկար տարիների բեղմնավոր ստեղծագործական կյանք: 
Ալեքսանդր Գրիգորյան 09.11.2004

Բարև մեծ ախպեր…Շնորհավորում եմ:
Աստված քեզ առողջություն թող տա ու միշտ լավ գինի: Մեզ էլ թող առողջություն տա, որ քեզ հետ խմելուց դիմանանք: Ցուցահանդեսը սրանից լավ չի լինում: Երջանկությունը սրանից ավել չի լինում: 
Շեկոյան Արմեն 09.11.2004, Երևան

Էդվարդ Իսաբեկյան: Ամեն ինչ ասված է անվան մեջ: Մեծ վարպետ, գեղանկարիչ, որ ոսկյա տառերով գեղանկարեց իր անունը XX դարի գեղանկարչության մեջ:
Անհամեմատ ինքնատիպ ոճը փայլում է և իր ճառագայթներով շլացնում է թե մասնագետներին և թե ուսանողներին: Անսպառ եռանդը և կիրքը ժայթքում է իր իսկ բնությունից և ստեղծագործություններից: Իգդիրեցի մարդ, որ ապրում է և միշտ կապրի ամեն հայի սրտի խորքում, որպես մարդ, ստեղծագործող և արարող:
Երջանիկ եմ, որ ուսանել եմ շատ բաներ` թե՛ մարդկային, թե՛ գեղանկարչական առումով մաեստրոյին: Շնորհակալություն, որ Դուք կաք և միշտ պիտի մնաք:
Նկարիչ-վերականգնող Անդրանիկ Անտոնյան

Վարպետ, Դուք նորից ապացուցեցիք, որ XX-XXI դարի մեծագույն նկարիչներից եք: Ռոբերտ Եսայան (արծաթագործ)

Շնորհավորում եմ հեղինակին իր բազմաչարչար և բովանդակ արվեստի համար: Ռ.Խաչատրյան

Խոնարհվում եմ արդի կերպարվեստի վարպետի առաջ: Շնորհաշատ Ձեր ձեռքերը համբուրում եմ:
Ցոլակ Կանթեղ (Ղանդիլյան) 11.11.2004

Սիրելի ուսուցիչ, հարազատ մարդ, Մեծ նկարիչ, փառահեղ հայ, Էդվարդ Հմայակի Իսաբեկյան, սրտանց շնորհավորում եմ Ձեզ Ձեր 90-ամյակի կապակցությամբ և իմ հիացմունքն եմ արտահայտում այս սքանչելի ցուցահանդեսի առթիվ:
Անտարակույս Դուք մտել եք համաշխարհային կերպարվեստ և դասականների շարքում եք և՛ Հայաստանում, և՛ համայն աշխարհում: Բարի ու առնական մարդ, բարձր ինտելեկտի տեր, Դուք ոչ միայն լավ նկարիչ եք, Դուք նաև փայլուն գրող եք, որի ապացույցն է Ձեր «Իգդիր» վեպը` գրված պատկերավոր ոճով և ճոխ հայերենով: Հիացած եմ Ձեր արվեստով և պարծենում եմ Ձեզանով իմ սիրելի ուսուցիչ:
Նկարիչ Մարտիրոս Պետրոսյան 11.11.2004

Մեծարգո պարոն Իսաբեկյան, արցախյան ջերմ մաղթանքներն ենք ուղղում Ձեզ: Չնայած Դուք արցախյան ծագում չունեք, բայց մաղթում ենք արցախյան երկարակեցություն, բեղում աշխատանքային եռանդ և թող Ձեզ պատկանող վրձինը երբեք գործադուլի չդիմի:
Հարգանքներով և ջերմ մաղթանքներով` Արցախահայություն և Աշոտ Արցախցի Հակոբյան 11.11.2004

Մեծարգո պարոն Իսաբեկյան, մեզ դուր եկավ ձեր ոճը: Շնորհավորում ենք ձեզ այս ցուցահանդեսի համար:
Հարգանքներով և ջերմ ողջույններով Փ.Թերլեմեզյանի անվ. ուս. կողմից 11.11.2004

Ապրես, Վարպետ, քեզ նման հզոր նկարչություն ունես, շնորհավորում և քեզ մաղթում եմ առողջություն, երկար կյանք: Դու քայլող դասական ես մեծ կոլորիստ
Սամվել Հալաջյան, 14.11.2004

Երևանի Մանուկ Աբեղյանի անվան թիվ 3 դպրոցի աշակերտները մեծ բավականություն և գեղագիտական հաճույք ստացան ցուցահանդեսը դիտելիս: Էդուարդ Իսաբեկյանի նկարները նաև հայրենասիրական դասեր են տալիս: Շնորհակալություն:
Կարինե Շիտիկյան և Սուսաննա Ղազարյան 16.11.2004

Հարգարժան մեծն Իսաբեկյան, հիացած եմ Ձեր գույներով և լույսով… Փշատենիներով, որոնք բուրում են նկարներից:
Հարգանքով Նազիկ Խանջյան, Կենս. գիտությունների դոկտոր, 17.11.2004

Խոնարհվում եմ և համբուրում Ձեր աջը: Բարի մաղթանքներով:
Գյուլնարա Սարիբեկյան, գեղանկարչուհի, 18.11.2004

Էդվարդ Իսաբեկյան: Անուն` դարձած կենդանի լեգենդ: Գովեստի խոսքեր ավելորդ եմ համարում… Հպարտ եմ և ուրախ, որ ժամանակին Իսաբեկյանը եղել է Թերլեմեզյանի ուսումնարանի մեր դիպլոմային կուրսի ղեկավարը և իր իսկ օրհնությամբ լույս աշխարհ ենք եկել… Քաջառողջություն քեզ, սիրելի ուսուցիչ, և տա Աստված քեզ, որ երկար տարիներ լինես մեզ հետ:
ՀՀ վաստակավոր նկարիչ Ստեփան Անդրանիկյան, 18.11.2004

Ժամանակակիցը լինել մեծ մտավորականի, հայրենասերի, փիլիսոփա-արվեստագետի և հաղորդակցվել նրա արվեստի հետ իր կենդանության օրոք յուրօրինակ երջանկություն ու հպարտություն է յուրաքանչյուրիս համար: Այսպիսի ցուցահանդեսը հատկապես գիտության ու արվեստի հանդեպ խեղված արժեքների մեր իրականության մեջ այն հզոր լույսի ժառագայթն է, որին չի կարող խանգարել ոչ մի պատնեշ, ոչ մի արգելք:
Առողջություն
եմ մաղթում իմ հոր սիրելի ընկերոջը և համոզված եմ, որ ցուցահանդեսի իր ելույթում հնչած պատվիրանը կգտնի իր արձագանքը հայ ժողովրդի արժանապատիվ գոյի համար պատասխանատվություն ստանձնած այրերի գործելակերպում և կենսակերպում: Էդուարդ Իսաբեկյանը իրապես իր արվեստի հզոր ուժով անսպառ տաղանդի ու հայրենասիրության ժողովրդին զորացնող լիցքով է արձագանքել թե պատմությանը և թե ներկա իրադարձություններին:
Ցավոք
, մարդկության պատմությունը բոլոր ժամանակներում բոլոր մեծերին ըստ արժանվույն մեծարել ու գնահատել է ուշացած
Գոհար Ռշտունի, լրագրող, իրավաբան, 18.11.2004

Սա մի սովորական ցուցահանդես չէ, այլ ազգային կերպարվեստի դպրոց: Դաս դասականով, դաս վարպետությամբ, դաս սիրով դեպի գեղեցիկը: Ծովինար, ես աշխատել եմ պատկերասրահում Է.Իսաբեկյանի օրոք: 18.11.2004

Դասական նկարիչ… Ցանկացած նկարչի համար դպրոց է արվեստի, սիրո: Տաղանդի անվերջանալի շարժում, կյանք:Սամվել Պ. 21.11.2004

Հիանալի բնություն, գեղեցիկ արվեստ, հրաշալի կտավներ… Էդուարդ Իսաբեկյանը իրավամբ համարվում է 20-րդ դարի հայ գեղանկարչության մեծերից… Երկար կյանք և արևշատություն ավագ եղբորս, ընկերոջս, բարեկամիս:
Կարո Գ., 21.11.2004

Մեծարգո Է.Իսաբեկյանին: Շատ մեծ հետաքրքրությամբ և հուզմունքով դիտեցի Ձեր ցուցահանդեսը: Հպարտ և երջանիկ եմ, որ անձամբ ճանաչում և շատ-շատ ուրախանում եմ ՁեզանովՄ.Քանանյան, 23.11.2004

Հանճարեղ նկարիչ Է.Իսաբեկյանի նկարները մեծ հետաքրքությամբ և հուզմունքով դիտեցի և շատ հպարտ եմ զգում, որ ինձ բախտ է վիճակվել նրա հարևանությամբ ապրել և նրա հետ անձնական շփում ունենալ: Ես շատ եմ հպարտանում Ձեզանով` հայ ազգի մեծ նկարիչ և մեծ մարդՍ.Քանանյան, 23.11.2004

20-րդ դարի մեծանուն գեղանկարիչներից Է.Իսաբեկյանը այն բացառիկ անհատականությունն է, որը հայ կերպարվեստը շատ ավելի բարձրացրեց` համաշխարհային կերպարվեստի պատմության նոր էջ բացելով: Նա, հայ արվեստը ազգայինից վեր հանելով, դարձրեց համամարդկային: Է.Իսաբեկյանը չմտածեց փառքի մասին, բայց ժամանակն ու հավերժությունը ձեռք մեկնեցին տաղանդավոր արվեստագետին: Նա հավերժացավ, սիրելի և ընկալելի է բոլոր սերունդների համար:
Արվեստաբան Ավետիք Գևորգյան, 23.11.2004   

Մեծարգո Վարպետ, մեծ ոգևորությամբ և սիրով դիտեցինք Ձեր ցուցահանդեսը: Խորին շնորհակալություն, Ձեզ փառք և առողջություն:
Արմավիրից գեղ.դպրոցի աշխատողներ` Օրդուբեկյան, Նիկոյան, 2004

Ուսանող տարիներից մինչև հիմա ինձ համար Իսաբեկյանը մնում է որպես ուղղություն, որպես հավերժ ակունք` սովորելու և ոգեշնչվելու: Շնորհակալություն:
Արմավիրի գեղ.դպրոց, Շահեն Օրդուբեկյան, 2004

Ես վաղուց էի ցանկանում տեսնել մեծ արվեստագետի կտավները: Ես ցնցված եմ: Շնորհակալություն:
Ա.Ներսիսյան. 2004

Տարիներ ի վեր հիացել եմ Վարպետ Իսաբեկյանի գործերով: Բայց 90-ական թվականի գործերը զարմացրել և ցնցել են ինձ: Բրավո, Մաեստրո:
Նկարչուհի Ա.Պարոնյան, 2004

Շնորհավորում եմ հեղինակին իր բազմաչարչար աշխատանքի համար և շնորհակալություն հայտնում հասարակությանը մտավոր զարգացնելու համար:
Ա.Մարգարյան, 2004

 Շնորհավորում եմ Վարպետին, որ 90 տարեկանում իսկ չի կորցրել իր ոգու երիտասարդությունը: Տա Աստված, որ ներկա լինենք իր հարյուրամյակին` իր իսկ ներկայությամբ:
Արա Ա., արվեստաբան, 2004

Ես պարզապես մտածեցի, որ Վարպետի արվեստն իրոք հղված է դիտորդին այն առումով, որ գեղարվեստական կերպարն իր «կերպավորում»-ը շարունակում է հենց նրա մտքում: Ընդհանուր կտավից ստանում ես տպավորություն (առաջին հայացքից տպավորակերտ գործառնություն է ունենում կտավը), տրամադրություն, որն երկրորդ հայացքից արդեն ուղղորդում է առանձին պատկերներն հասկանալը: Դու կարծես շարունակում ես նկարչի գործը, դու էլ ես ստեղծագործում: Սա սոսկ պասսիվ դիտում չի ենթադրում:
ԵՊՀ Փիլիսոփայության ֆակուլտետի ուսանողուհի Սիրարփի Ենգիբարյան, 2004

Ըմբռնեցի հավերժական պահեր, կյանքին ուղեկցող րոպեներ: Շնորհակալություն:
Հռիփսիկ Բալայան-Արզունյան, ինժիներ, 2004

Սիրելի պարոն Իսաբեկյան, դեռ մանկուց սիրահարված եմ Ձեր նկարչությանը… Հանճարեղ է:
Շնորհավորում եմ, ցանկանում եմ առողջություն և երկար-երկար տարիների կյանք…
Խեցեգործ, իգդիրեցու թոռ Սուսաննա Ազատյան 2004

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով