Սովետահայ գրաֆիկայում վերջին տարիներս հատկապես բարձր մակարդակի հասավ գրքի ձևավորման ու նկարազարդման արվեստը: Այդ ասպարեզում ձեռք բերված հաջողությունները պարզորոշ երևացին Հայկական տասնօրյակի և հոբելյանական ցուցահանդեսներում:
Հ.Կոջոյանի «Հայկական հեքիաթների», Մ.Աբեղյանի` Հ.Թումանյանի «Ախթամարի», Ա.Բեքարյանի` Պարոնյանի «Մեծապատիվ մուրացկանների» նկարազարդումները, Է.Իսաբեկյանի`Դ.Դեմիրճյանի «Վարդանանքի» գունավոր նկարազարդումները, Ս.Ստեփանյանի` Շիրվանզադեի «Արտիստը» գրքի ձևավորումը, Գ.Խանջյանի «Գիքոր» և «Լալվարի որսը» գրքերի նկարազարդումները և այլ գործեր լայն ճանաչում են գտել ոչ միայն ռեսպուբլիկայում, այլև նրա սահմաններից դուրս: