Վարպետի ծննդյան օրվա առիթով` Իսաբեկյան Ցուցասրահը կազմակերպեց «Էդուարդ Իսաբեկյանը և իր ուսանողները II» ցուցահանդեսը:
Ցուցահանդեսի մասնակիցներ`
- Աբրահամյան Սարգիս ● 1945
- Ակնունի Պերճ ● 1921-1991
- Ասլանյան Վաղինակ ● 1918-2005
- Գրիգորյան Ալեքսանդր ● 1927-2008
- Գրիգորյան Ֆլորա ● 1927-
- Գաբրիելյան Նոնա ● 1944
- Գասպարյան Աշոտ ● 1922-
- Էլբակյան Մեխակ ● 1974
- Հարությունյան Հարություն ● 1947
- Հովսեփյան Մանուկ ● 1918-1984
- Չթչյան Ավետիք ● 1962-2012
- Պապյան Անատոլի ● 1924-2007
- Պետրոսյան Մարտիրոս ● 1937
«Ես շատ զգացված եմ իմ դասախոսների` Անատոլի Պապյանի, Ալեքսանդր Գրիգորյանի, Վաղինակ Ասլանյանի աշխատանքներն այստեղ տեսնելով: Արվեստը այսպիսի հատկություն ունի, հնարավորություն է տալիս մարդու հեռանալուց հետո էլ հաղորդակցվել իր հետ, արվեստի մեծ առաքելություններից մեկն էլ դա է»,- ասաց Արամ Իսաբեկյանը:
Նկարիչների միության նախագահ Կարեն Աղամյանը նշեց, որ չի աշակերտել Իսաբեկյանին, բայց խոստովանեց, որ շատ բան է նրանից սովորել:
Հետաքրքրական էր Իրինա Իսաբեկյանի խոսքը: Նա տեղեկացրեց, որ ցուցասրահը Էդուարդ Իսաբեկյանի երեք դիմանկար է ստացել որպես նվիրատվություն` Անդրեյ Շուգարովից, Խաչիկ Աբրահամյանից և Սամվել Մարությանից: Միաժամանակ հայտնեց, որ ցուցասրահն ընդգրկվել է` izi. TRAVEL միջազգային ծրագրում և խոսքը փոխանցեց ծրագրի հայաստանյան ներկայացուցիչ Անահիտ Հովհաննիսյանին:
Էդուարդ Իսաբեկյանը և իր ուսանողները II… 03.11.2015
Posted on Նյմ 5, 2015 in Միջոցառումներ
