2015 թվականի մայիսի 16-ին Էդուարդ Իսաբեկյան Ցուցասրահը մարդաշատ էր` արվեստասեր հասարակություն, արվեստագետներ, բազմաթիվ լրատվամիջոցներ. «Էդուարդ Իսաբեկյանը և իր ուսանողները I» ցուցահանդեսի բացումն էր, որը համընկավ «Թանգարանային գիշեր» ծրագրի օրվան:
Երկհարկանի ցուցասրահի երկրորդ հարկում Էդուարդ Իսաբեկյանի մեծածավալ կտավներն էին, իսկ առաջին հարկում, Իսաբեկյանի հովանու ներքո, նրա ուսանողներից 14-ն էին, 24 աշխատանքով:
- Աբրահամյան Խաչիկ● 1960
- Ադալյան Ռուբեն● 1929
- Ասատրյան Տիգրան● 1968
- Գասպարյան Կարեն●1951
- Իսաբեկյան Արամ● 1952
- Խանջյան Գրիգոր● 1926-2000
- Խորենյան Սուրեն●1951
- Խորենյան Վահան●1928-2004
- Հովնաթանյան Ռուբեն● 1940-1999
- Մուրադյան Սարգիս● 1927-2007
- Շուգարով Անդրեյ● 1958
- Սաֆարյան Սուրեն● 1923-1988
- Սեդրակյան Մկրտիչ● 1922- 2009
- Սմբատյան Տիգրան●1957
Գեղարվեստի ակադեմիայի ռեկտոր Արամ Իսաբեկյանը նշեց. «Հայրս ոչ միայն դասախոս էր, այլև իր կյանքի փորձը հաղորդող, իր առօրյան ուսանողի հետ կիսող, ընկերություն անող մարդ էր: Քիչ առաջ ինձ հարցնում էին` կա՞ն իր աշակերտներից այնպիսիք, որ շարունակել են աշխատել նրա ստեղծագործական ոճով: Սակայն Էդուարդ Իսաբեկյանի առավելությունը որպես ստեղծագործող դասախոսի այն էր, որ յուրաքանչյուր ուսանողի մեջ բացահայտում էր նրա ամենաբնորոշ հատկությունը, օգնում էր բացահայտելու նրա ինքնությունը, գտնելու անհատական ճանապարհը»:
Մեծանուն նկարչին և ուսուցչին իրենց երախտագիտությունը հայտնեցին գեղանկարիչներ Ռուբեն Ադալյանը, Խաչիկ Աբրահամյանը, արվեստաբան Վիգեն Ղազարյանը, Հայաստանի նկարիչների միության նախագահ Կարեն Աղամյանը։
Ցուցահանդեսը կազմակերպել էր ցուցասրահի ղեկավար Իրինա Իսաբեկյանը:
Էդուարդ Իսաբեկյանը և իր ուսանողները I. 16.05.2015
Posted on Սպտ 14, 2015 in Միջոցառումներ
