«Էդուարդ Իսաբեկյանը և իր ուսանողները I» ցուցահանդեսից մի քանի օր անց ցուցասրահի փոքրիկ բակում` սեղանի շուրջ, հավաքվել էին Իսաբեկյանի ուսանողները, նրա արվեստի սիրահարները` իրենց հիշողություններով կիսվելու Վարպետի մասին:
Մտերմիկ զրույցի ժամանակ հիշվեցին հետաքրքիր դեպքեր, պատմություններ, ուսանողական հուշեր: Խոսեցին նաև իրենց այժմյան ձեռքբերումների մասին:
Միջոցառման ընթացքում եղավ անակնկալ. Անդրեյ Շուգարովը նվիրեց մի հրաշալի գծանկար աշխատանք՝ Էդուարդ Իսաբեկյանի դիմանկարը, որը որոշվեց ներկայացնել «Էդուարդ Իսաբեկյանը և իր ուսանողները II» ցուցահանդեսի ժամանակ: