Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ռուբենյան Ռ. — Հաշիվ են տալիս ժողովրդին ու իրենց — թերթ, «Սովետական Հայաստան», Ե., 18.11.1962

Posted on Հնս 16, 2015 in Uncategorized

Հատված հոդվածից

Նկարիչ Էդ.Իսաբեկյանի արվեստանոցում ենք:
Պատերին՝ հայոց լեռնաշխարհի բնապատկերներ, բարիքներ ստեղծող մարդկանց գովերգող կտավներ, իսկ ինքը՝ մեծ վարպետի նկարի առաջ խորասույզ:
-Քի՛չ է,-ասում է «Պատասխան Հազկերտին», Դ.Դեմիրճյանի, Ակսել Բակունցի դիմանկարների, Զանգեզուրի աշխատանքի մարդկանց դիմանկարների շարքի, բնության բազմաթիվ տեսարանների և այլ կտավների հեղինակը:
Այդ ամենը ստեղծվել է նախորդ համագումարից հետո, բայց անվանի նկարիչն անբավական է:
Աշխատում է «Տաթևի ծխախոտագործ կանայք» կոմպոզիցիոն կտավի վրա: Մենք դիտում ենք էսքիզը.կապույտ երկինք, ճերմակաթույր ամպեր, կողովներն ուսած իջնում են կանայք՝ կենսախինդ, կենսունակ: Քայլում են հաստատ, վստահ, հեռուն կարծես կծկվել է նրանց հայացքի տակ: Գույների աչք շոյող ներդաշնակություն, կտավի մասշտաբների գերարդյունավետ օգտագործում:
-Զուգահեռաբար աշխատում եմ «Ավ.Իսահակյանի Սևանի ափին» նկարի վրա: Այն դրվելու է մեծ վարպետի տուն-թանգարանում: Եթե ինձ հաջողվի դիտողին հաղորդել անմահ բանաստեղծի վեհությունը, խոր բավականություն կապրեմ:
-Կուզեմ, -շարունակում է նա,- որ համագումարը մեր ստեղծագործական կյանքի աշխուժացման ազդակը հանդիսանա, որ համագումարից հետո ստեղծագործությունների ավելի շատ քննարկումներ, բանավեճեր, մտքեր հարուցող, ստեղծագործական շատ հարցերի պատասխան տվող երեկոներ լինեն: Թո՛ղ ավելի արդյունավետ լինի նկարիչների մեր նորակառույց տան գործունեությունը:

 

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով