Ուրախալի է, որ մեր օրերում նման նախաձեռնություն է հանդես բերվել` ստեղծվել է «Կալանավայրերում Գրական Աշխարհի Զարգացման» հիմնադրամը, և այսօր արդեն նույն հիմնադրամի ջանքերով «Կալանավայրերում» խորագիրը կրող թերթ է լույս ընծայվում: Թերթը` թերթ, բայց ես կուզենայի, որ հրատարակիչները պատվախնդրորեն մոտենային այդ գործին, թերթի էջերում արծարծվեին բարձր ու համամարդկային գաղափարներ, և թերթն իր շուրջը ջերմ ու ապրեցնող մթնոլորտ ստեղծեր: Մարդուն մարդ պահելու համար արժե ցանկացած զոհողության գնալ: Լուսավոր ու արգասավոր ճանապարհ եմ ցանկանում «Կալանավայրերում» շաբաթաթերթին: Ձեր անցնելիք ճանապարհին եղեք սրտացավ, շիտակ ու մարդկային: