Սիրիահայը վաճառում է իր գանձերից մեկը՝ Էդուարդ Իսաբեկյանի «Գոմշակռիվ Իգդիրում» կտավը — «Panorama.am», 02.09.2015

Posted on Հկտ 17, 2015 in Uncategorized

Գոմշակռիվ Իգդիրում ՀՀ ժողովրդական նկարիչ Էդուարդ Իսաբեկյանի «Գոմշակռիվ Իգդիրում» կտավը, որը դեռ 1992 թվականին Հալեպում գնել էր մի սիրիահայ, այսօր նույն սիրիահայը վաճառում է:

Panorama.am-ի հետ զրույցում «Էդուարդ Իսաբեկյան» ցուցասրահի տնօրեն Իրինա Իսաբեկյանը պատմեց, որ դեռևս 1992 թվականին Հալեպում կազմակերպվել էր Է. Իսաբեկյանի անհատական ցուցահանդեսը. «Հալեպցիները ծանոթացել են Իսաբեկյանի արվեստին, սիրել նրա արվեստը: Բավականին նկարներ էր վաճառվել: Այդկերպ սիրիահայերը ցանկացել էին Հայաստանի համար այդ դժվարին ժամանակում ինչ-որ չափով օգնել մեր երկրին:
      Հիմա այս նկարը գնողը Սիրիայում տեղի ունեցող դեպքերի պատճառով եկել է Հայաստան՝ իր հետ բերելով նաև այս կտավը: Նա Իսաբեկյանի ստեղծագործությունը համարել է իր ունեցած գանձերից մեկը ու բերել է Հայաստան՝ վաճառելու և գոյատևելու համար»:
       Սիրիահայը դիմել է «Էդուարդ Իսաբեկյան» ցուցասրահ, որ «Գոմշակռիվ Իգդիրում» կտավը վաճառում է, ցուցասրահն էլ այդ մասին տեղեկատվություն է տարածել:
      Իրինա Իսաբեկյանը դիմում է Հայաստանի գործարարներին, իգդիրեցիներին. «Հույս ունենք, որ որևէ արվեստի ջատագով կամ հայրենասեր իգդիրեցի կգնահատի այս հոյակապ գործը, կգնի և, ինչու ոչ, կնվիրի քաղաքին` «Էդուարդ Իսաբեկյան» ցուցասրահին, որը ստեղծվել է Արամ Իսաբեկյանի` իր հոր 28 կտավների նվիրատվության շնորհիվ»:
«Գոմշակռիվ Իգդիրում» կտավը Էդուարդ Իսաբեկյանը ստեղծել է 1991 թվականին:

https://www.panorama.am/am/news/2015/09/02/isabekyan-gallery/1437101

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով