Հարսանյաց երթ Կողբից Իգդիր.
«Էդուարդ Իսաբեկյան» ցուցասրահում հոկտեմբերի 13-ից հիմնական ցուցադրությանը զուգահեռ ներկայացվելու են Էդուարդ Իսաբեկյանի ևս 7 նկար՝ ընտանեկան հավաքածուից: Panorama.am-ին ցուցասրահի տնօրեն Իրինա Իսաբեկյանն ասաց, որ նկարները ցուցասրահին է տրամադրել Էդուարդ Իսաբեկյանի որդին` Արամ Իսաբեկյանը:
Աշխատանքները ցուցադրվելու են մինչև այս ամսվա վերջ: Իսկ նոյեմբերի 3-ին, Ի. Իսաբեկյանի տեղեկացմամբ, ցուցասրահում բացվելու է նոր ցուցադրություն՝ «Էդուարդ Իսաբեկյանը և իր ուսանողները 2»:
Ցուցահանդեսին մասնակցելու են Էդուարդ Իսաբեկյանի ուսանողները` տարբեր տարիների շրջանավարտները: Սա այս շարքի` «Էդուարդ Իսաբեկյանը և իր ուսանողները» երկրորդ ցուցահանդեսն է, բայց ոչ վերջինը:
«Էդուարդ Իսաբեկյան ցուցասրահ»-ը ստացել է նվեր` Է. Իսաբեկյանի երկու դիմանկար, որոնց հեղինակներն են Անդրեյ Շուգարովը և Սամվել Մարությանը, որոնք ևս, ցուցասրահի տնօրենի խոսքով, կներկայացնեն այդ ցուցահանդեսին:https://www.panorama.am/am/news/2015/10/10/isabekyan-exhibition/1460698
«Դարձյալ Իսաբեկյան». Ցուցասրահում ներկայացվելու են նոր աշխատանքներ — «panorama.am», 10.10.2015
Posted on Հկտ 17, 2015 in Uncategorized
