Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Էդվարդ Իսաբեկյանը և Աշոտ Մելքոնյանը նկարում են միմյանց

Posted on Հկտ 1, 2015 in Uncategorized

 

Էդ.Իսաբեկյան - Աշոտ Մելքոնյան1991 թվականի մի տխուր, ցուրտ ու խոնավ օր Էդվարդ Իսաբեկյանը, վաստակավոր նկարիչ Աշոտ Մելքոնյանը և ես միասին մի կտոր հաց էինք ուզում ուտել: Զանգահարեցի մեր տուն՝ կնոջս, թե՝ մի բան կստեղծե՞ս, երեքս էլ մի կտոր հաց ենք ուզում ուտել:

Հետո հայտնվեցինք մեր տանը, ու քանի որ «մի բանի ստեղծումն» ուշանում էր, երկու նկարիչներին էլ բարակ ստվարաթուղթ ու գրիչներ տվեցի, ասելով՝

-Պարապ մի՛ մնացեք մինչև հացը:

Նկարիչ են, սկսեցին գրիչը սահեցնել թղթի վրայով, մեկ էլ Իսաբեկյանը թե՝

-Աշո՛տ, մի քիչ հանգիստ նստի՛ր, նկարում եմ:

-Ես էլ քեզ՝ վարպետ,-չուշացավ Աշոտը, կատակով ավելացնելով:-Դու էլ կարգին դիրք ընդունի՛ր:

Այսօր, սգալով իմ երկարամյա բարեկամի՝ Էդվարդ Իսաբեկյանի մահը, ներկայացնում եմ այդ երկու գրչանկարների վերատպությունները, որոնք ճաշից առաջ երկուսն էլ նվիրեցին ինձ:

Վանիկ Սանթրյան

***

Խորապես վշտացած ենք ժողովրդական նկարիչ, «Սուրմալու-Իգդիր» հայրենակցական միության պատվավոր նախագահ Էդվարդ Իսաբեկյանի անդառնալի կորստյան առթիվ: Մեծ արվեստագետի, քաղաքացու և հայրենասերի բարի անունը հավերժ կմնա բոլորիս հիշողության մեջ:

Հայրենակցական միությունների միաբանություն

 

***

Խորապես վշտացած ենք ՀՀ ժողնկարիչ, մեծ արվեստագետ, «Սուրմալու-Իգդիր» հայրենակցական միության պատվավոր նախագահ Էդվարդ Իսաբեկյանի մահվան կապակցությամբ:

«Նիգ-Ապարան» հայրենակցական միության նախագահություն

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով