Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Զօր.Անդրանիկի նկարներու ցուցահանդէս՝ Կլէնտէյլի մէջ

Posted on Սպտ 25, 2015 in Uncategorized

1990 փետրուարի 25ին լրացաւ ռազմական եւ քաղաքական մեծ գործիչ, հայդուկային խումբերու ղեկավար, ազգային ազատագրական շարժումի խորհրդանիշ, ժողովրդական հերոս, հայրենի հողն ու պետականութիւնը վերածնող` Անդրանիկի 125ամեակը:

Հայաստանը բազմիցս պատուած է իր մեծ հերոսին: Անդրանիկի մասին կան պատմական եւ գեղարուեստական աշխատութիւններ, ստեղծագործական կոթողներ, գեղանկարչական թեմատիկ գործեր:

Տոքթ. Վիգէն Մախեանը Երեւանէն վկայեալ բժիշկ է, նաեւ արուեստի քննադատ, ունի հայկական նկարչական հարուստ հաւաքածոյ, իր պատուէրով գեղանկարիչներ Աշոտ Յովհաննէսեան, Էդուարդ Իսաբէկեան, Զօհրապ Միրզոյեան, Սէյրան Խաթլամաճեան, Էդիկ Արեւշատեան, Սիմոն Գալստեան, Կարէն Սմբատեան, Աւետիք Յակոբեան, Անդրանիկ Միրզոյեան, Վլատիմիր Գրիգորեան, Ալեքսանտր Սադոյեան եւ Յովհաննէս Քոչինեան իրենց կտաւներուն յանձնեցին հայոց զօրավարի խորհուրդը:

1990 Մայիսի 4, Ուրբաթ երեկոյեան ժամը 8ին, Կլէնտէյլի (827 E.Colorado) Նոր Սերունդ Մշակութային Կեդրոնին մէջ տեղի կ’ունենայ զօր.Անդրանիկի 125ամեակին նուիրուած գեղանկարչական ցուցահանդէս: Պիտի ցուցադրուին նշուած նկարիչներուն, ինչպէս նաեւ այլ հայ նշանաւոր նկարիչներու ստեղծագործութիւնները:

Ցուցահանդէսը բաց է Շաբաթ, կէսօրէ առաջ ժամը 11էն երեկոյան 8:

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով