Անձրևաջրերը ներթափանցում են ցուցասրահ, ծեփը թափվում է, վտանգված են Էդուարդ Իսաբեկյանի կտավները. ստորագրահավաք — «newspress.am», 31.01.2020

Change.org կայքում ստորագրահավաք է սկսվել՝ «Պահպանել Էդուարդ Իսաբեկյանի ժառանգությունը»:

      Տեքստում, որի համար ստորագրում են մասնակիցները, մասնավորապես, ասված է.
      «Երևանի քաղաքապետարանի ենթակայության տակ գործող Էդուարդ Իսաբեկյան ցուցասրահը (բացվել է 2013 թվականին) 2014 թվականից գտնվում է վթարային վիճակում:
       Շենքի անմխիթար վիճակի մասին բազմիցս դիմումներ են ներկայացվել թե՛ անմիջական ղեկավարությանը, և թե՛ քաղաքապետարան: Մինչ այսօր որևէ դրական արձագանք դրանք չեն գտել: Անձրևաջրերը շարունակում են ներթափանցել ցուցասրահ, պատերից և առաստաղից ծեփը թափվում է, վտանգված են Էդուարդ Իսաբեկյանի կտավները: Կոչ ենք անում բոլորին անտարբեր չմնալ այս խնդրի հանդեպ և պահանջում ենք պատկան մարմիններից հիմնովին զբաղվել Ջիմ Թորոսյանի նախագծած շենքի վերանորոգմամբ՝ փրկելով Էդուարդ Իսաբեկյանի ժառանգությունը»:

https://newspress.am/?p=105256&l=am%2Fandzrevajrery+nertapancum+en+cucasrah+cepy+tapvum+e+
vtangvac+en+eduard+isabekyani+ktavnery+storagrahavaq+
foto&fbclid=IwAR06zqIh3ijS5wm7urJ1H-E6yv4zgEKe7y60KSdqfaD-fAraYAebEoC08No