ՀԽՍՀ ժողովրդական նկարիչ Էդուարդ Իսաբեկյանի կտավները կործանման եզրին են։ Անձրևաջրերը շարունակում են ներթափանցել ցուցասրահ, պատերից և առաստաղից ծեփը թափվում է։ Երևանի քաղաքապետարանի ենթակայության տակ գործող Էդուարդ Իսաբեկյան ցուցասրահը (բացվել է 2013 թվականին) 2014 թվականից գտնվում է վթարային վիճակում:
Շենքի անմխիթար վիճակի մասին բազմիցս դիմումներ են ներկայացվել թե՛ անմիջական ղեկավարությանը, և թե՛ քաղաքապետարան: Մինչև այսօր որևէ դրական արձագանք դրանք չեն գտել:
Էդուարդ Իսաբեկյան ցուցասրահի պատասխանատուները նկարչի ֆեյսբուքյան էջում ստորագրահավաք են սկսել՝ Իսաբեկյանի արվեստը փրկելու համար։
Նրանք կոչ ենք անում բոլորին անտարբեր չմնալ խնդրի հանդեպ և պատկան մարմիններից պահանջում են վերջապես զբաղվել Ջիմ Թորոսյանի նախագծած շենքի վերանորոգմամբ՝ փրկելով Էդուարդ Իսաբեկյանի ժառանգությունը:
ԱՀԱԶԱՆԳ․ Էդուարդ Իսաբեկյանի նկարները՝ անձրևաջրերի տակ — «newmedia.am», 15.01.2020
Posted on Հնվ 15, 2020 in Uncategorized