Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Բադալյան Մ. — Հոբելյանական երեկո.պարգևներ Էդ. Իսաբեկյանին — թերթ, «Ազգ», Ե., 06.11.2004

Posted on Հնս 30, 2015 in Uncategorized

Պարգևներ Էդվարդ Իսաբեկյանին

8918Երեկվա հոբելյանական հանդիսությունը՝ նվիրված ՀՀ ժողովրդական նկարիչ Էդվարդ Իսաբեկյանին, վերստին հիշեցրեց մեծություններին ամենից բնորոշ մի հատկանիշի մասին՝ ի վերուստ տրվածը ոչ ճչում է, ոչ ցուցադրվում, լույսի ճառագայթի պես է՝ ամենքին տեսանելի, մատչելի. մի անբացատրելի բարություն, որ ամենախստակյաց ու ամենակտրուկ արտահայտություններում անգամ արտակարգ առինքնող է: Այդպիսին երեկ Էդվարդ Իսաբեկյանն էր՝ իր անակնկալ խոսքով, կտրուկ ընդհատումներով, շատ ինքնատիպ՝ ինքն իրեն անդավաճան: Վարպետի ծննդյան 90-ամյակին նվիրված հանդիսությունն ըստ պատշաճի կատարվեց Թեքեյան կենտրոնում՝ կազմակերպությամբ Թեքեյան մշակութային միության և Հայաստանի նկարիչների միության:

Վարպետին շնորհեցին շքանշաններ, ջերմ ուղերձներ եղան.ԹՄՄ վարչության նախագահ Ռուբեն Միրզախանյանը Էդ. Իսաբեկյանին շնորհեց միության բարձրագույն պարգևը՝ «Ադամանդակուռ Արարատ» մեդալը, թվով իններորդը, որ տվել է մշակույթի ասպարեզում հայ լավագույն գործիչներին, ընդ որում առաջինը՝ իբրև նկարիչ շնորհվեց Էդ. Իսաբեկյանին: Վարպետն արժանացավ նաև ԿԳ նախարարության բարձրագույն պարգևին՝ «Ոսկե մեդալին»:

Վարպետին ուղերձներ հղվեցին մշակույթի նախարարության, նկարիչների, գրողների, ժուռնալիստների, կինեմատոգրաֆների միությունների, ազգային պատկերասրահի, Երևանի քաղաքապետ Երվանդ Զախարյանի կողմից:

Նկարիչների միության նախագահ Կարեն Աղամյանը ներկայացրեց Իսաբեկյանի անցած կյանքն ու ստեղծագործական ընդհանուր բնութագիրը: Ազդեցիկության աստիճան անկեղծ, խորապես ապրված զրույց բացեց Ալեքսան Կիրակոսյանն իր հին բարեկամի, ընկերոջ հետ:

Ներկա էին Իսաբեկյան-մարդուն և արվեստագետին գնահատողներն ու իր վաղեմի երկրպագուները, բարեկամները, հին ու նոր պաշտոնական այրեր՝ Ֆադեյ Սարգսյանը, Կառլեն Դալլաքյանը, ՌԴ դեսպան Դրյուկովը և ուրիշներ:

Հանդիսությունը ջերմ էր.Վարպետը հուզված էր, նկատելիորեն ազդված:

Մ.Բ.

«Ազգ», 06.11.2004

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով