Հանրապետության ժողովրդական նկարիչը այսօր 70 տարեկան է:
Սովետահայ կերպարվեստի ամենաինքնատիպ երևույթներից մեկը՝ նա Սարյանի, Կոջոյանի, Առաքելյանի հզոր անունների կողքին առանձնացավ վավերագրական, լիաբուռն կերպարների ստեղծմամբ, կրքերի պոռթկուն լարվածությամբ, ռոմանտիկական ոգեշնչվածությամբ: Նուրբ, քնարական շնչով տոգորված գողտրիկ հորինվածքներից մինչև հոգեբանական բարդ սյուժեներով համանվագային, մասշտաբային նկարները հագեցած են հույզի և զգացմունքի, դրամատիկ բախումների տարաբնույթ դրսևորումներով, ժողովրդական ոգու անպարտելիությունը խորհրդանշող էպիկական պատումներով…
Էդուարդ Իսաբեկյանը շարունակում է իսկական ստեղծագործողի դժվար, որոնումներով լի ճանապարհը, կերտելով բովանդակության, մեծ գաղափարների արվեստ, որ մեր կերպարվեստի գեղեցիկ ու մնայուն հարստությունն է:
Էդուարդ Իսաբեկյանի ստեղծագործական մեծ ուղուն նվիրված հաղորդմանը մասնակցում են Սերո Խանզադյանը և Վահագն Դավթյանը:
«Եթերում է Երևանը», հ.12, 1985