Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Իսաբեկյան Էդուարդ Հմայակի

Posted on Հնս 25, 2015 in Uncategorized

Իսաբեկյան Էդուարդ Հմայակի (1914, (Թուրքիա), գեղանկարիչ, գրաֆիկ):

1931թ. ավարտել է Երևանի Գեղարդ տեխնիկումը, իսկ 1941թ.՝ Թբիլիսիի Գեղարվեստի ակադեմիան: 1942թ. գործուղվել է ռազմաճակատ: Վերադարձին կազմակերպել է ճակատային նկարների իր առաջին անհատական ցուցահանդեսը: 1943թ. զբաղվում է մանկավարժությամբ, սկզբում Երևանի Փ. Թերլեմեզյանի անվան Գեղարվեստի ուսումնարանում, հետագայում՝ 1945թվից Գեղարվեստա-թատերական ինստիտուտում, պրոֆեսորի պաշտոնով:

Ցուցահանդեսներին մասնակցում է 1940թ.: Անհատական ցուցահանդեսներ ունեցել է Երևանում՝ 1947 և 1965թթ., Թբիլիսիում՝ 1966թ.: 1956թ. – ՀՍՍՀ արվեստի վաստակավոր գործիչ, իսկ 1963թ. – ՀՍՍՀ ժողովրդական նկարիչ: 1967թ.՝ Հայաստանի պետական պատկերասրահի դիրեկտոր:

Նշանակալից աշխատանքներից են «11-րդ բանակի մուտքը Երևան», «Կռիվ քաղաքի համար», «Բաթումիի գործադուլը», «Տանյա», «Դավիթ Բեկ», «Ավարայրի ճակատամարտը», «Խ. Աբովյան» (արժանացել է մրցանակի), «Պատասխան Հազկերտին», «Պատանի Դավիթը», «Հաղպատի գյուղացիների ապստամբությունը», «Նավզիկե», «Հորովել», «Չվերադարձան», «Սայաթ-Նովա», նկարչի մոր, Դ. Դեմիրճյանի, Ակսել Բակունցի, Մեսրոպ Մաշտոցի, Ա. Իսահակյանի դիմանկարները, «Ինքնադիմանկար», «Կեսօր», «Խնձորեսկ», «Գարունը Աշտարակում», «Բժնու բերդը», «Ռուշանի քարափը» բնանկարները: Է.Իսաբեկյանը նկարազարդել է Դ.Դեմիրճյանի «Վարդանանքը», Հ.Թումանյանի «Թմկաբերդի առումը», Ս. Խանզադյանի «Մխիթար Սպարապետը»:

 

Դանիել Դզնունի «Հայ կերպարվեստագետներ» (համառոտ բառարան), 1977

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով