Վերջերս Թբիլիսիում բացվեց հանրապետության ժողովրդական նկարիչ Էդ.Իսաբեկյանի ստեղծագործությունների ցուցահանդեսը: Վրաց արվեստասերները մեծ հետաքրքրությամբ ծանոթացան նկարչի գործերին: Վրացական ժողովրդական նկարիչ Ուչա Ջափարիձեն ցուցահանդեսի եզրափակման ժամանակ խոսելով Էդ. Իսաբեկյանի ուրույն ոճի մասին, նշել է, որ նկարիչը պատմական կոմպոզիցիաների մեջ էլ ձգտել է տալ իր ժողովրդի ազգային բնավորությունն ու կոլորիտը և արվեստագետի հմտությամբ պատկերել այն, ինչ հատուկ է Հայաստանին ու հայ ժողովրդին: Վրաստանի գեղարվեստի ակադեմիայի ռեկտոր, վրացական ժողովրդական նկարիչ Ապոլիոն Քութաթալաձեն իր հիացմունքն է արտահայտել Իսաբեկյանի գործերի նկատմամբ և բնորոշել նրան իբրև ազգային նկարչի, որն իր ոճով ինքնատիպ է և նորարար: Վրաց արվեստասերների ուշադրությանը հանձնած Էդ.Իսաբեկյանի կտավների մասին արտահայտվել են նաև ՍՍՌՄ նկարիչների միության քարտուղար Ռոժդեստվենսկին և Վրացական ՍՍՌ ժողովրդական նկարիչ Կանդելակին:
«Սովետական Հայաստան», հ.6, 1966թ․