Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Շահբազյան Ֆ. — Իսաբեկյանի ցուցահանդեսը Թբիլիսիում — թերթ, «Երեկոյան Երևան», Ե., 06.05.1966

Posted on Հնս 23, 2015 in Uncategorized

Հայ արվեստասեր հասարակությանը վաղուց են ծանոթ Հայկ.ՍՍՌ ժողովրդական նկարիչ Էդուարդ Իսաբեկյանի ստեղծագործությունները: Անվանի արվեստագետի գործերի մեծ մասը արտացոլում են հայ ժողովրդի կյանքը, շնչում են դեպի բնությունն ու աշխարհի բոլոր ժողովուրդների նկատմամբ տածած սիրով: Նա չի սահմանափակվում իր ժողովրդի բաղձանքներն ու հոգու հարստությունները պատկերելով: Նկարչի կտավները թաթախված են մարդկային վեհ զգացումներով, մարդասիրությամբ:
Այս ամենի պերճախոս ապացույցն էր վերջերս Թբիլիսիում բացված նկարչի ցուցահանդեսը: Վրաց արվեստասերները մեծ հետաքրքությամբ ծանոթացան Է.Ի. ստեղծագործություններին: Վրացական ժողովրդական նկարիչ Ուչա Ջափարիձեն ցուցահանդեսի եզրափակման ժամանակ խոսելով Է.Ի. ուրույն ոճի մասին, նշել է, որ նկարիչը պատմական կոմպոզիցիաների մեջ էլ ձգտել է տալ իր ժողովրդի ազգային բնավորությունն ու կոլորիտը և արվեստագետի հմտությամբ պատկերել այն, ինչ հատուկ է Հայաստանին ու հայ ժողովրդին: Վրաստանի գեղարվեստի ակադեմիայի ռեկտոր, վրացական ժողովրդական նկարիչ Ապոլիոն Քութաթալաձեն իր հիացմունքն է արտահայտել Է.Ի. գործերի նկատմամբ  և բնորոշել նրան իբրև ազգային նկարչի, որն իր ոճով ինքնատիպ է և նորարար: Վրաց արվեստասերների ուշադրությանը հանձնած Է.Ի. կտավների մասին արտահայտվել են նաև ՍՍՌՄ նկարիչների միության քարտուղար Ռոժդեստվենսկին և Վրացական ՍՍՌ ժողովրդական նկարիչ Կանդելակին:

Ֆ.Շահբազյան

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով