Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Հայտագ. — Բեղմնավոր աշխատանքի վկաները — թերթ, «Երեկոյան Երևան», Ե., 19.07.1965

Posted on Հնս 19, 2015 in Uncategorized

Իր կտավների նման վառ գույներով ծաղկեփնջեր մատուցվեցին, ծափահարություններ ու շնորհավորանքներ եղան, իսկ ինքը՝ Հայկական ՍՍՌ ժողովրդական նկարիչ Էդուարդ Իսաբեկյանը հուզված էր: Կյանքի կես դար, ստեղծագործական քսանհինգ տարի: Պատմական թեմաներով մեծածավալ կտավները, հայրենի բնաշխարհին, հայ ժողովրդի անցյալին ու ներկային նվիրված բեղմնավոր աշխատանքի վկաներ, զարդարել էին նկարչի տան ցուցահանդեսային դահլիճը:
Է. Իսաբեկյանի ծննդյան 50-ամյակին նվիրված ստեղծագործական երեկոն բացեց նկարիչների միության նախագահ Ռ.Պարսամյանը:
Ժողովրդական նկարիչ Ս.Ստեփանյանը հոբելյարի հակիրճ ելույթում շեշտեց նրա գործերի կրքոտությունը, հուզականությունը և անմիջականությունը, որին ցուցահանդեսի այցելուն կհանդիպի ներկայացված մեծ թե փոքր՝ «Պատասխան Հազկերտին», «1903թ Հաղպատի գյուղացիների ապստամբությունը», «Մարտը քաղաքի համար», «Սայաթ-Նովա», «Ակսել Բակունց» և այլ կտավներում:
Հոբելյարին ջերմ խոսքեր ասացին նաև նկարիչների և ճարտարապետների միությունների, կիրառական արվեստի, գեղարվեստա-թատերական ինստիտուտի և այլ ստեղծագործական կազմակերպությունների ներկայացուցիչներ: Մատուցվեցին նվերներ:
Շնորհակալություն հայտնելով ներկաներին,  Էդ.Իսաբեկյանը խոստացավ իր կտավներով ժամանակի կոնվեյերին հանձնել Հայաստանը իր գեղեցիկ բնաշխարհով, հայ ժողովրդի հերոսական ներկան ու ապագան:
Վերջում ելույթ ունեցավ Հայաստանի պետական երգչախումբը:

 

 

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով