Հատված տեքստից
Հայաստանի Պետական պատմական թանգարանի՝ 1905թ. ռուսական ռևոլյուցիայի 50-ամյակին նվիրված ցուցահանդեսում կան նոր գործեր, որոնց հեղինակները Հայաստանի կերպարվեստագետներն են:Ուշագրավ է նկարիչ Էդուարդ Իսաբեկյանի «Հաղպատի գյուղացիների ելույթը 1903 թվին» գեղանկար կոմպոզիցիան: Մահակներով և եղաններով զինված Հաղպատի ապստամբ գյուղացիները հարձակվել են ապստամբությունը ճնշելու համար գյուղ ժամանած ցարական ժանդարմների վրա ու զինաթափել են նրանց: Գործողությունը տեղի է ունենում գյուղի ծայրին, երկնքի կապույտում վեհորեն գծագրվող Հաղպատի վանքի ֆոնի վրա: