Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Իսաբեկյան Է. – Մեր անզուգական Սարյանը – թերթ, «Հայրենիքի ձայն», Ե., 10.05.1972

Posted on Մյս 10, 2015 in Uncategorized

Չկա վարպետը և այդ «չկան» մի այնպիսի վիհ է, որը ոչնչով չես լցնի: Սխալ է, երբ ասում են, որ կորուստը ժամանակը կամոքի: Չէ՞ որ քանի հեռանում ես սարից, նա ավելի մեծ ու բարձր է կանգնում իր հասակով քո առջև:
Նա մի լեռ էր, որը ոչ միայն մեզ էր տեսանելի, այլև նրանով սքանչանում էին աշխարհի բոլոր ծայրերից: Նա հայտնագործեց Հայաստան լեռնաշխարհը մեզ, հատկապես օտարների համար, և նրանք սիրեցին մեր երկիրը, մեր ժողովրդին: Իսկ մեզ ավետեց իր սերը, իր որդիական հիացմունքն ու հարգանքը դեպի մեր փոքրիկ հողը և այդ հողը շենացնող ժողովուրդը:
Երեք քառորդ դար նա արևեց իր արվեստով մեզ, երջանիկ ժամանակակիցներիս և արևի նման պիտի ջերմացնի նաև եկող սերունդներին իր բարի, հողաբույր, կյանքի փառաբանող և հաստատող արվեստով: Եվ քանի կա ու կհարատևի Հայաստան լեռնաշխարհը, կապրի նաև նրա խանդավառ երգիչը՝ մեր անզուգական Մարտիրոս Սարյանը:


Էդուարդ Իսաբեկյան, Հայաստանի ժող. նկարիչ

«Հայրենիքի ձայն», 10.05.1972թ․։

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով