Հանրապետության ծնունդը. 1972, կտավ, յուղաներկ, 207×255, Հայաստանի ազգային պատկերասրահ

Posted on Սպտ 28, 1972 in Գեղանկար՝ 1960-1980

 

Հանրապետության ծնունդը. 1972, կտավ, յուղաներկ, 207 × 255 (ՀԱՊ)

Հանրապետության ծնունդը. 1972, կտավ, յուղաներկ, 207×255, Հայաստանի ազգային պատկերասրահ


28.05.1989
1918թվի մայիսի 28-ին է հայտարարվել ազատ, անկախ Հայաստանը: Այսօր կառավարական որոշումով այլևս համարվելու է մեր «պետականության» սկիզբ… 1971թվին նկարեցի այն նկարը, որը հիմա պիտի նկարեի… Ինձ ոչ ոք չխնդրեց, չթելադրեց… «Հանրապետության ծնունդը»… «եռագույնը» ձեռքին… Շատերը հասկացան, թե ի՜նչ հանրապետության մասին է խոսքը: Քոչարը ասեց` սեղանի շուրջ ռեստորանում, որ այդ նկարը ինքը համարում է ամենալավը այդ ցուցահանդեսում (հոբելյանական)… Այնքան էլ լուրջ չընդունեցին «սեղանակիցները», բայց «գլխով հավանություն» տվեցին… Ես չեմ հաշվում իմ հաջող գործերից, բայց որ ես` նկարիչ Իսաբեկյանս եմ առաջինը հայտարարել մեր պետականության (առանց չակերտների) ծնունդը, դա փաստ է: Չեմ հոխորտում, պարզապես ուզում եմ ինձ հանգստացնել կամ ոգևորել, որ նկարիչը կարող է լինել կրակագծի առաջին շարքում և նամանավանդ, երբ կրակող չկա…Պարզապես համարեցին Իսաբեկյան նկարչի «ռոմանտիկ հույզերի կատակ»… երբ կարող էին… «հրավիրել» բացատրության… Այդպես է եղել:

 

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով